نشرة أخبار سيد أبو حفيظة............. مسخرة

اتعس الله مساء الطليان دائما

سيد ابو حفيظه يقدم لكم نشرة الخامسة و العشرون من استديوهاتنا فى جوهانس(ملط) جوهانسبرج سابقا

و مع عناوين الاخبار

1-دخلنا التاريخ مش بالبيتزا لا باكل الطبيخ و الحلو كان بطيخ

2- الصحف العالمية:ابعتوا هاتوا اساتك زيادة جاتوزو شورتاته بتقع و محتاجة

3- الفيفا: ليه نذيع ماتشات مصر مباشر لما ممكن نذيعها تسجيل

4-شحاته اوباما يجى اوباما يروح هنكسبهم ان شاء الله و هنصعد يا ممدوح

5- مش مصدق نفسى يا ناس كسبنا ايطاليا ف الكاس ياااااس



والان الى التفاصيل



1- فى واحدة من اروع مباريات كاس العالم للقارات فاز منتخب احفاد الفراعنة على فرافير اوربا بتوع البيتزا و ارجع لاعبى المنتخب المصرى الفوز الى انهم كانوا واكلين كويس و كانوا واكلين طبيخ مش كسكى عشان كدا صحتهم كانت كويسة عكس اللى حصل معاهم قبل كدا لما جالهم حالة التسمم و صرح وائل جمعه و قال:

الحمد لله لعبنا مباراة حلوة و ادينا كويس و بعدين الاكل النهارده كان خفيف و مكنش فيه بيتزا و مكرونه و عجين و حاجات الفرافير دى واكلين رز و ملوخية و لحمة على الغدا و كل واحد فطران يجى 5 او 6 بيضات و طبقين فول بس الحضرى نفسه جابته على البطيخ بعتنا جابنا له اتنين من مصر عشان ما يبقاش نفسه فى حاجة قبل الماتش و دا سر تألقه النهارده

2- عقب المباراة افردت الصحف العناوين المثيرة للمباراة

وكان العنوان الرئيسى لمجلة لا(ملط)جازيتا سبورت الايطالية:عايزين استيك نوعه كويس عشان شورت جاتوزو ميقعش و يخرج من الملعب يهيس

و كتبت صيحفة الديلى (ملط) البريطانية فى الصفحة الاولى:استيك الشورت فى ايطاليا بكام عشان جاتوزو يشترى استيك قبل ما ينام

و فى جريدة الاهرام كان العنوان : جاتوزو طلع من هدومه ليه الحمص غلى ولا ايه

و على صفحات النت

كتب الموقع الرئيسى للفيفا : منتخب الساجدين فاز على الطليان التعبانين

و كتب الموقع الايطالى الشهير جول ملطى دوت كوم : مش كفايه كسبونا لا دا كمان قلعونا

3- مش هنذيع ماتشات مباشر لمصر تانى دا كان تصريح احد المسئولين الفيفا اللى قال مش هينفع كدا كل ما يلعبوا ماتش يعملوا فى اللعيبة كدا عمرو زكى مع كوت ديفوار و ابو تريكه بالتلفون شورت جاتوزو ينزل مش عيب كدا هممممممم؟

و لما سالناه طب ايه الحل قال بنفكر نذيع الماتشات على الاوربى بس

و لما سالنا جاتوزو عن اللى حصل قال انا معرفش اللى حصل شوفتوا اللى حصل الشورت وقع لوحده ميه مرة اقولهم عايز اساتك من العتبة عشان بتمسك فى الشورتات جامد مش بتوقعها

و بعدين كلام فى سرك انا 100 مرة اقول للدكتور عايز الحقن عضل مش وريد و لما قولناله الكلام دا اتذاع على الهوا رد و قال ايه اللى جاب (القلعة) جمب البحر ؟



4- فى تصريح خاص لنشرة الخامسة و العشرون قال الكابتن حسن شحاته لمراسلنا شوفت اللى حصل ؟؟ كسبنا ايطاليا انا مدرب جامد انا ماليش حل هاكسبكوا ماتش امريكا بقى ان شاء الله عشان نصعد و نخلص و ما تخافش حتى لو هيقطعوا عننا المعونة مش هاخليهم يكسبونا و بعدين اوباما يجى اوباما يروح مش هيكسبونا يا ممدوح و فجاة لاقينا الكابتن حسن شحاته اتخض و قال ممدوح مين انت مين يا ابنى هو انت مش كريم ابنى ؟؟؟ طب يالا امشى بقى قبل ما اعورك





5- انا قاعد فى الستديو مش مصدق نفسى كسبنا ايطاليا بطلة العالم و قولنا للعالم كله ان ممكن يبقى عندنا كورة بجد و كلهم كانوا رجالة من اول الحضرى لحد عيد عبد الملك مفيش حاجة اسمها اهلاوى ولا زملكاوى ولا اسماعلاوى النهارده كلنا كنا واحد زعلانين من الحضرى او مش زعلانين بس الحمد لله كان فى مستواه الماتش دا و هو احد الاسباب اللى كسبتنا تريكه حمص هانى سعيد زيدان كلهم واحد مفيش فرق بين محترف ولا اهلاوى ولا زملكاوى كله مع مصر
منقول