RooNey
Admin
عدد المساهمات : 1937
نقاط : 4499
تاريخ التسجيل : 14/03/2009
 |  موضوع: ₪ اقتربت السعاده المنتظره . بإقتراب الشهر المنتظر ₪  الجمعة أغسطس 07, 2009 11:45 pm | |
|
₪ اقتربت السعاده المنتظره . بإقتراب الشهر المنتظر ₪
*_* بسم الله الرحمن الرحيم *_*
واضح اوي من العنوان اننا داخلين على موضوع بخصوص رمضان
هو رمضان لسه عليه شويه .. بس انا قلت ابدا بافتتاحه للمواضيع اللي جايه من الناس كلها
قبل ما الكلام يكتر
ونتوه في الكلام عن رمضان
فطبعا دا اول موضوع في القسم العام يتعمل عن رمضان
واكيد ان ده مش اخر واحد لان خلاص رمضان قرب .. وكتير قوي هيبدأوا يتكلموا عن رمضان في القسم العام
فحبيت اتكلم عن حجات مختلفه كدا في الشهر .. عشان .. تخلينا نستمتع بيه فعلا .. لان دا بالنسبه لي احسن شهر في السنه
طبعا الحجات دي شيء لا يذكر من اللي بنعمله في الشهر .. بس تذكير بردو ^^
طبعا كتير قوي منكم لما سمع كلمه نستمتع قال عليا ( اهبل دا ولا ايه . احنا دخلين نَتَعبد مش نستمتع )
فأقول لهم انا بكل شماته ( ما انتوا لو صبرتوا هتفهموا )
نبدا بدايه دينيه ( بلغه عاميه دون اللجوء للنت او الكتب) للتذكير بالشهر و اهميته :.
طبعا رمضان في حجات مختلفه المفروض معظمنا بيعملها فيه , ونادرا لما بنعملها في باقي ايام السنه
مثل :.
الصوم
ختام المصحف الشريف
الزياده في الصلاه و الدعاء
محاولات في اظهار الجانب الجيد من شخصيتنا طوال فتره الصيام واحيانا مع بعض الناس بعدها
وفي كمان حجات بنعملها ونقرأها ( من الناحيه الدينيه ) زي :.
صلاة التراويح
العشرة الاواخر
الادعية الرمضانية
صدقة الفطر
صيام ستة ايام من شوال
ايات نزلت فى شهر رمضان
احاديث نبوية حول شهر رمضان
وليلة القدر
دا غير ان رمضان سبب في تجمع الاسره خلال الشهر
لان في ناس مش بتفطر او تتغدى الا لواحدها . بسبب شغل او دراسه او غيره
لكن بنلاقي في رمضان ان كل عائله وممكن اكتر من اسره كمان بيتجمعوا وقت الافطار
ودي نادرا لما بتحصل طول السنه .. لكن بتحصل كل يوم في رمضان بس
حجات كمان كتير
طبعا احنا بنعمل كل دا لان الاجر بيكون مضاعف في الشهر دا . ولان فعلا الواحد بيحس انه شخص كويس طول ما الشهر مستمر . وفي اسباب كتير كمان ..
ولو لاحظتوا . الحمد لله يعني .. في الشهر ده بتقل المشاكل .. وتبدأ ابواب كتبر كانت بتكون مقفوله تتفتح
ونلاقي كمان نفسيه الانسان مرتاحه
واكتر حاجه بتزعلنا في الشهر دا .. لما بيخلص .. لانه بيمر بسرعه البرق .. ودا طبعا لان الايام الحلوه بتعدي بسرعه
طبعا اللي فات دا كله متعلق بالعباده و العادات و التاثيرات و دا كله من الاهميات البسيطه لرمضان
.. تابعوا معانا الفكره الثانيه من الموضوع ..
طبعا اول لما بنسمع كلمه رمضان بيتعلق في اذهاننا حجات كتير
في منها على حسب طقوس كل واحد بيعمل ايه في رمضان
وفي حجات ثابته زي:.
الخيمة الرمضانية
مدفع رمضان
فانوس رمضان
المسحراتى
الأغنيــــة الـرمضانية
اكلات رمضانية
عبادات ( اللي اتكلمنا عنها فوق .. ودي اهم نقطه الصراحه )
المسلسلات (دي الحاجه اللي فعلا اتمنى انكم تقللوا منها في رمضان وهتكلم عنها في اللي جي )
كل الحجات دي بترتبط بعقولنا .. وبتفضل موجوده في عقولنا حتى في الاسبوع الاول بعد انتهاء شهر رمضان
يعني بنلاقي نفسنا متاثرين بحجات كنا بنعملها في رمضان بعد ما الشهر خلص
وسرعان لما التعود ده بيروح في ايام معدوده . بنرجع لحياتنا الطبيعيه
عموما بعد كل اللي قلته وبيحصل فعلا . نأتي هنا لاحد الافكار الهامه :.
اكيد زي ما في ناس بتحب الشهر ده وبتحترمه و بتعمل اللي عليها فيه
في ناس بتحبه بس عشان حجات تانيه في دماغها
يعني اللي يقولك هنشوف مسلسلات حلوه
واللي يقولك نسهر في خيمه رمضانيه و نشيش لقبل السحور
واللي يقول هناكل اكل .... etc
في ناس رمضان بالنسبه لها كدا
نتمنى لو في حد من الناس دي .. يحاول يغير تفكيره شويه .. ويجتهد الشهر ده
لانه ممكن يلاقي نفسه اللي مش عارف لها هدف
تعالوا بقى للمهم :.
نتمتع ازاي في رمضان :.
اول حاجه واهم حاجه لازم متعه دينيه
بحيث على الاقل نختم القرآن و نواظب على الصلاوات الخمسه . و يسلام لو التراويح كمان ^^
وتدعي كام دعاء من قلبك على الفجر ( مش لازم ادعيه محفوظه ) و عندك الايام المتوقعه من ليله القدر . تزود فيها الدعاء شويه
اعتقد دا مش صعب و قليل .. وفي بيعملوا اكتر من كدا بكتير
والمتعه في كدا بتكون .. انك لما بتعمل الحجات دي .. بتكون خلصت الواجي الديني بتاعك
فبتلاقي الوقت اللي انت فاضي فيه مستريح نفسيا .. ومنفتح اكتر على الحياه اكتر
دي متعه بقى ولا لا ؟؟ .. و طبيعي المتعه النفسيه اغلى واثمن من المتعه الماديه
ولا ايه رايكوا ^^
فدالوقتي لو انت زيي كدا ودينك مش واخد حقه معاك .. تقدر الشهر ده تعمل الحجات دي بس
واكيد هتحس بمتعه خاصه ..
بس وانت بتعمل الحجات دي . تحط في دماغك انك بتعملها عشان ربنا وعشان نفسك
مش عشان تبقى صورتك حلوه قدام اللي تعرفهم
واكيد الحجات اللي قلت عليها مش هتاخد وقت رمضان كله ..
فهيتبقى عندك وقت تقدر تستمع بيه دنيوي كمان . بس في حاجه متغضبش ربنا
لان الشياطين مش بيكون ليها تاثير في الشهر ده .. فمعنى انك تعمل حاجه غلط من غير وسوسه شيطان
انك انت شيطان نفسك ( الله يحفظنا )
خلاصه كلام الفكره دي :.
واجبك في الشهر دا سهل .. متفوتش الفرصه عشان كام ساعه عايز تقضيهم
واعرف انك لو اخلصت في النيه والعمل .. هتزيل شويه من الشوائب المتراكمه على نفسك
واعرف كمان ان مع الوقت ممكن تمحي الشوائب دي نهائيا ووقتها هتكون مميز قدام الناس وقدام نفسك وقدام ربنا سبحانه وتعالى
النهايه :.
بعد الافكار اللي كتبتها اللي غير منسقه فكريا شويه ( المهم انها تفيد ^^ )
ادعوكوا لاستغلال الشهر ده ديني اكتر من دنيوي
دا مش معناه اننا نعتكف طول الشهر (( هو مفيهاش حاجه الاعتكاف . بس انا بتكلم على اللي مش هيقدر على الاعتكاف شهر كامل . لو فاضي عادي اعتكف براحتك طول الشهر ))
.. خير الامور الوسط . بس ممكن نخليها الشهر ده اكتر من الوسط بشويه
والوقت الفاضي خلال الشهر ليكم الحريه فيه بس بالاصول زي ما قلت ^^
اتمنى ربنا ويفقنا كلنا الشهر اللي جي ( رمضان ) .. ونعوض اللي عملناه غلط طوال السنه كلها
ونركز في العباده من اول يوم لان كل ما هنقول بكره .. هنكسل ,, لحد ما هنلاقي الشهر خلص
ورساله لمشرفين والاعضاء :.
جميع المواضيع الخاصه برمضان مسموح ليكوا بوضعها داخل المنتدى العام خلال شهر رمضان
الا المواضيع الرمضانيه الدينبه 100% . تقدروا تتفضلوا بوضعها في المنتدى الديني
وانا عارف ان موضوعي بدري شويه صغيره بس عادي عشان نستعد من دالوقتي
ويارب يكون عجبكم الموضوع
| |
|
amrahmed2008
عضو نشيط
عدد المساهمات : 75
نقاط : 100
تاريخ التسجيل : 04/06/2009
| | موضوع: رد: ₪ اقتربت السعاده المنتظره . بإقتراب الشهر المنتظر ₪ السبت أغسطس 15, 2009 7:53 am | |
| ربنا يجزيك كل خير يا ميدو
وكل سنه واحنا طيبين | |
|
RooNey
Admin
عدد المساهمات : 1937
نقاط : 4499
تاريخ التسجيل : 14/03/2009
| | موضوع: رد: ₪ اقتربت السعاده المنتظره . بإقتراب الشهر المنتظر ₪ السبت أغسطس 15, 2009 7:57 am | |
| - amrahmed2008 كتب:
- ربنا يجزيك كل خير يا ميدو
وكل سنه واحنا طيبين كل عام و كل الامة الاسلامية و العربية بخير | |
|
